წავიდეთ. დგანან. / ვაკო ნაცვლიშვილი

 

WaitingForGodot

 

 

 

 

 

 

ინგროყვას ქუჩას მოუყვანებიან კაზრეთიდან ჩამოსული მუშები, მათი დები, დედები და ცოლები. ჩუმად მოდიან და მოაქვთ ქართული ოცნების დროშა.

დერმატინის კურტკები აცვიათ. ქალებს, ძირითადად, გრძელი, შუა წვივზე. კაცებს – მოკლე, ბიჭურად.

საიდანღაც ჩნდება ჯონდი ბაღათურია, სოკოსავით ამოდის მთავრობის კანცელარიის წინ მოგებულ ბეტონზე. მელოტ თავს მიუშვერს რუსთავი 2-ის მიკროფონს და სიმღერას იწყებს.

დიმიტრი ლორთქიფანიძე რაღაცას არიგებს მის გარშემო შემოკრებილ მუშებს. როდესაც ტელევიზიის კამერას შეამჩნევს, საყურეს მოიხსნის, ჯიბიდან ნიღაბს ამოიღებს და ცვლის ინტონაციას, მეტყველების მანერას, ხმასა და სიტყვებს.

მუშები ფიქრობენ, გადაინაცვლონ სამებასთან და შეხვდნენ პატრიაქრს. ლინა ღვინიანიძე აჯერებს, რომ უნდა დარჩნენ, რომ მათი მთავრობას უნდა ელაპარაკონ. ვიხსენებ წინა აქციას: ლინა ღვინიანიძის გარშემო 8 მუშა დგას; დახრილი თავებით უყურებენ; ერთ-ერთი მათგანს ხელები ისე აქვს, როგორც ლოცვის დროს – ერთი ხელის ზურგი მეორე ხელის გულში.

გიორგი გუგავა სერიოზული სახით დგას ვიდეოკამერის წინ. თეო ხატიაშვილი დგება გუგავას უკან, შლის ფერად ქოლგას, მიუშვერს კამერას და ატრიალებს. დღესასწაული იწყება. შავი დერმატინის კურტკებში აფრიალდება მრავალფერი ქოლგა – ცისარტყელა. წამიერად და ქრება.

მუშების ხმა არ ისმის. მათი ხმა იკარგება, როგორც ყოველთვის. ბევრი მიზეზია: მანქანის მყვირალა მუხრუჭი, სკოლიდან გამოსული ბავშვების ხმაური, გაუმართავი რუპორი, გამომსვლელის ანგინა. თუ ამავე მოცემულობებში სხვა თემაზე ვილაპარაკებთ, ყველაფერი სმენადი გახდება. მუშების ხმა კი არ ისმის.

მაგრამ ამ გაბმულ ხმაურში, სადაც ვერც ერთი ხმა ვერ ბატონობს, სადაც ერთდროულად ისმის სუნთქვა, დაუსრულებელი წინადადებები, ცალკეული სიტყვები, სასისმიერი ბგერები, კვნესა, ღიღინა, ქართული ოცნების დროშის ფრიალის ყრუ ხმა, შორისდებული… ასეთ დროს ჩნდება შანსი, მიოსმინო ენის ხმაური, ან ენის ფუთფუთი, როგორც გენებოთ.

About Cyber Theatre

ირიბი მოქმედების კიბერ-თეატრი Cyber Theatre of indirect action performance group from Georgia
This entry was posted in პოსტები and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s